]~~[ مريض بالمستشفى كل ما يطلع حد من عنده يضحك (( قصة طريفة وواقعية )) ]~~[

جلس ذلك الرجل على السرير الابيض ... في احدى المستشفيات في بلدنا الحبيبه ...

وكان كل جسمه شاش ورجوله كلها جبس وما تسمع الا آآآآآآآآهاته

ودائماً يتألم من الاوجاع اللي فيه ،، فقلت في نفسي يمكن انه مسوي حادث قوي

او انه محترق او او او ... الخ

المهم جت الساعه 4 العصر وبدأ وقت الزيارة ،، انا استغربت من شي غريييييييب مره

كل من جاء يزور هالشخص يطلع من عنده ميت من الضحك

أنا جاني الفضول وقلت وش السالفه؟؟!

وعلى هالحال كل من جاء وسلم عليه ما تسمع الا ضحكهم من ورا الستاير

انا قلت لازم اعرف وش السالفه ،، ولما أنتهى وقت الزياره توجهت له ع طول

واقوله الحمد لله على السلامه عسى ماشر ومن هالكلام

وانا كل همي اعرف ليش يضحكون !!

المهم قلت له: انا اشوف اللي يجونك ما يرحون من عندك الا و ضحكهم واصل اخر المستشفى ...

قال لي : هههههههههه ليـش عاد أنت حاسدنا على الضحكه ...

قلت له : لا يـا أخوي مو كذك السالفه والله لو عندك مليون كان يمكن أحسدك ..

بس اضحكوا عادي خذوا راحتكم بس بغيت اعرف السر يعني ... اذا ما عندك مانع ...

قال لي : طيـب ولا يهمك ... انت مثل ما تشوفني مكسر ومربط بالشاش ...

قلت له : أيـوه والله ... الله يشفيك...

قال لي : يا طويل العمر انا ساكن في شقه في الدور الثاني ... وعندي بلكونه

واذا نمت فتحت باب البلكونه .. وسكرت النور ... ونمت على السرير ...

ولما نمت على السرير ... ورحت في آخر نومي ... حلمت اني في يوم القيامه ...

وحلمت ان الناس في مكان مثل موقف الباصات

وفيه باصات رايحه للجنه وباصات رايحه للنار !!!

المهم الجماعه ينادون بالاسامي .. فلان بن فلان باص النار ...

فلان بن فلان باص الجنه .. وهكذا

فلان بن فلان ...هههه هذا اسمي ... وقلبي يـدق و يـدق...

رووح باص الجنه ،، اوووووووه الحمد لله ارتحت

ومشيـت أدور على الباص اللي مكتوب عليه إلى الجنه ... وحصلته ودخلت فيه ...

مشيـنا بالباص وبعد فترة جاتنا لوحه مكتوب عليها (الجنه 50 كيلوا) (النار 100 كيلوا)

وأحنا نمشي أتعدينا الجنه ... قلت يمكن السواق يـعرف مكان لباب ثاني ....

شوي وشفت النار 15 كيلوا ... وبعد شوي النار 10 كيلوا ... وكل شوي نقرب من النار ...

فقلت يا رجال وش السالفه .. المشكله الناس ساكتيـن وما حد قلق في الباص الا انا ....

قلت بدخل ع السواق وشفته معطيني ظهره ... إيـه إإإيـه أنت وين رايح ؟؟؟!!!!

قال لي بدون ما يطالعني : رايح النار يا حبيبي .....

قلت له : وليـش انا من اهل الجنه ليش توديني النار !

وطالع فيني ... فإذا هو ابليس !!!

الله يأخذك... انا من اهل الجنه .. لا توديني النار .. انا من اهل الجنه ...

والله العظيم اني من اهل الجنه ... قبل شوي قايلين اسمي

... وقف وقف ... وهذا انا أصاااارخ ..

وهو بأنواع الضحكات الشريره هاهاهاها ... هاهاهاهاها ... هاهاهاهاههههههااااايييييي . ..

قلت له وقف !!! أبي انزل !!!

قال : والله الباص هذا مبرمج على انه ما يوقف الا في النار ...

تبي تنزل أقفز منه .... وركضت على الباب وفتحته ...

وهووووووووووووووووووووووووووووب

ولا دريت ألا وأنا في المستشفى ،، والسبب أني قفزت من البلكونة للحوش !!!

نصيحة لوجه الله :

لا أحد ينام إلا وهو مقفل عليه الباب كويس حتى ما يحصله نفس الأخ